樂隨心寫

我而家拍緊的金石良緣其實還有一位影帝級的演員在內佢就係’Ｋｅｎ哥’鄭則士今日趁著拍攝的空檔終於能夠請教到他聽完他對演戲的一番獨特見解同埋他的入行經過令到我內心翻起了滔天巨浪再次燃起那股好想演戲有所突破的鬥志儘管這條路可能會好漫長但係我還是選擇走下去

噚日返工的時候原先諗住無驚無險就預早出門口啦點知架車去到環保大道的時候就預著地盤工人因為欠薪問題而擋路把環保大道來回兩段路都封了結果足足等了兩個多小時才能回到公司雖然全廠人也沒有說甚麼但係要眾多前輩等我實在不好意思．．．．真是倒楣的一天！！！

呢幾日因為開始投入拍攝新劇的關係已經連續兩晚沒有好好的睡了所以實在沒有時候去寫這個網誌希望大家見諒

嘉樂.com網主又一精心貢獻這是一個全新關於小弟的討論區大家快的上去睇下同埋發表下偉論啦由於是新討論區的關係有很多板主的職位留待給大家去主持而且這個討論區的資源亦都要大家去好好支持網址如下http://wongkalok.3forum.hk/index.phpP.S:如果大家有乜其他關於新討論區的意見都可以在討論區那裡發表

昨晚我去了九龍酒店吃宵夜自助餐,去到那裡才發覺都幾多人食可能因為價錢都算平(用Compass Visa有八五折或者六個人去其中一個免費)如果大家有興趣去食自助餐不妨可以去一試因為味道也不錯呢!!

如果下次再搞聚會的話大家最想去邊度搞?活動的形式如何、地區要在那裡會覺得方便呢需要有的乜遊戲會令到大家都可以參與!!大家一齊諗下有乜好提議~越多越好咁下次聚會就能夠讓大家更加盡興了!!!

唔知今日大家在韓國燒烤吃得高不高興呢?我當然希望大家全都盡興啦 雖然大部份都是熟朋友了 但係今天還是有新面孔到來 希望今日沒有令到這些新朋友失望了 還有下次再搞聚會的時候今次來不到的朋友仔 下一次能夠出席同大家一齊歡聚 !!!

明天就係騎士對馬刺第一戰大家會覺得邊隊贏面會高一點？我自己個人就偏愛騎士多一點因為我喜歡看著大帝占士再創奇蹟但係平心而論馬刺的實力確是高一班不過無論點我都決定寫完這篇網誌就立刻去睡覺因為明天要一早起身睇波

今日又再重新上普通話堂其實我一直都冇乜學外語的天份不過似乎學懂普通話對我的工作係好有幫助所以還是下定決心去把它學好吧！！