樂隨心寫

大家有冇發覺近排我雖然要拍劇 但係就不停講去邊度食嘢呢?? 或者話俾大家知煮d乜食有益 冇辦法因為我真係好需要增重 所以唯有不停食啦 今日又有好介紹 就係Pokka Cafe 的下午茶 la 以上兩款Tea Set有V.I.P Card的話 係100元都不用的 以他們的服務來說我覺得好抵吃 大家有時間可以去試一試!! 友情推介:電影工作坊 寫意人生 威威的潛水與攝影

如果大家有睇開我的網誌應該記得我現在跟緊周惠娟老師學發聲，周老師係一個很懂養生之道的人，她留意到我們成班學員有一些人面容比較蒼白，就教了我們一道有益正氣又滋補的快易湯。她說這味湯可以常煲，大人小孩男女時常飲用，對補充體能，很有益處。 材料： 四兩瘦肉洗淨切薄片生薑連皮兩小片製法： 以一碗半煮沸的水，把瘦肉和生薑浸兩小時後，水已浸有肉味，跟著溫火煲約二十分鐘，大約煲至一碗水，加小許生鹽便可飲用。先把瘦肉浸出味連水煲一會就不會燥熱，因為瘦肉煲得久是帶燥火的。友情推介:享受人生，知足常樂！　　　　 寫意人生　　　　 威威的潛水與攝影

先將午餐肉切片厚薄隨自已喜好(上圖)主要材料出前一丁同芝士(以上兩圖)先將午餐肉煎香然後芝士放面再入焗爐焗45秒到(上圖)這就是焗芝士午餐肉一丁!! 今朝起身見有時間想起今期飲食男女關於出前一丁的刁鑽食法又即管跟著做哈哈原來真係幾好味!!如果芝士可以焗至微相信應該會更好吃大家有時間又唔怕洗多少少可以試下ka友情推介:講投講享受憨人憨事 想講就講

左下角係小肥羊那些羊肉 (上圖)冇辦法我同我d朋友都係牛魔王 (上圖)呢幾日天氣真係好凍實在忍不住又要打邊爐了(藉口)不過今次我選擇了一個清潤的湯底冇聽錯呀!!打邊爐都可以清潤的!其實好簡單就係用八寶湯做湯底la八寶湯底用沙參、玉竹、馬蹄和鹹菜片先熬湯，再加杞子、中芹、大地魚肉和技竹，咁樣做出來的湯底即使不灼鮮味足的食物，都已經係清潤的湯水，如果落埋肉呢就會變得更加鮮味~~~~~仲有用八寶湯底好處係補而不燥，潤而不膩，而且湯味絕對唔會影響食物原味!!大家不妨試一試!友情推介:享受人生，知足常樂！　　　　 寫意人生　　　　 威威的潛水與攝影

唔講大家可能唔知其實我係好鐘意打邊爐的 今日想同大家分享一下呢間我最近比較鐘意去的火鍋店 就係紅磡黃埔民泰街71號地下的寶哥味館 雖然價錢不是很平但係以材料的水準價錢又不算貴 wor 尤其係那個魚湯底更加係好味到可以就咁飲 有興趣的話大家不妨可以去試一試 不過因為天氣轉涼的關係去之前最好訂位 訂座電話:23301979 友情推介:細Cat的私人網誌